CNG PNG Price Hike: ਆਉਣ ਵਾਲੇ ਦਿਨਾਂ ਵਿੱਚ CNG ਅਤੇ PNG ਦੀਆਂ ਕੀਮਤਾਂ ਇੱਕ ਵਾਰ ਫਿਰ ਵਧਣ ਦੀ ਸੰਭਾਵਨਾ ਹੈ, ਜਿਸ ਤੋਂ ਬਾਅਦ ਘਰ ਵਿੱਚ ਖਾਣਾ ਬਣਾਉਣ ਤੋਂ ਲੈ ਕੇ ਵਾਹਨਾਂ ਵਿੱਚ ਸਫਰ ਕਰਨਾ ਮਹਿੰਗਾ ਹੋ ਜਾਵੇਗਾ। ਦਰਅਸਲ, ਜਨਤਕ ਖੇਤਰ ਦੀ ਕੰਪਨੀ ਗੇਲ ਵੱਲੋਂ ਸ਼ਹਿਰ ਦੀਆਂ ਗੈਸ ਕੰਪਨੀਆਂ ਨੂੰ ਸਪਲਾਈ ਕੀਤੀ ਜਾਣ ਵਾਲੀ ਗੈਸ ਦੀ ਮਹੀਨਾਵਾਰ ਸਮੀਖਿਆ ਤੋਂ ਬਾਅਦ 18 ਫੀਸਦੀ ਦਾ ਵਾਧਾ ਕੀਤਾ ਗਿਆ ਹੈ। ਗੇਲ ਦੁਆਰਾ ਸ਼ਹਿਰ ਦੀਆਂ ਗੈਸ ਕੰਪਨੀਆਂ ਨੂੰ ਸਪਲਾਈ ਕੀਤੀ ਜਾਣ ਵਾਲੀ ਕੁਦਰਤੀ ਗੈਸ ਦੀ ਕੀਮਤ 1 ਅਗਸਤ, 2022 ਤੋਂ 18 ਫੀਸਦੀ ਵਧਾ ਕੇ 10.5 ਡਾਲਰ ਪ੍ਰਤੀ ਯੂਨਿਟ ਕਰ ਦਿੱਤੀ ਗਈ ਹੈ। ਇਸ ਸਾਲ ਮਾਰਚ ਦੇ ਅੰਤ ਦੇ ਮੁਕਾਬਲੇ ਸਾਢੇ ਤਿੰਨ ਗੁਣਾ ਅਤੇ ਪਿਛਲੇ ਸਾਲ ਅਗਸਤ 2021 ਦੇ ਮੁਕਾਬਲੇ 6 ਗੁਣਾ ਵਾਧਾ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਗੇਲ ਘਰੇਲੂ ਅਤੇ ਆਯਾਤ ਐਲਐਨਜੀ ਨੂੰ ਮਿਲਾ ਕੇ ਸਿਟੀ ਗੈਸ ਕੰਪਨੀਆਂ ਨੂੰ ਮਿਸ਼ਰਤ ਗੈਸ ਸਪਲਾਈ ਕਰਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਗੇਲ ਵੱਲੋਂ ਗੈਸ ਦੀਆਂ ਕੀਮਤਾਂ ਵਧਾਉਣ ਮਗਰੋਂ ਸਿਟੀ ਗੈਸ ਕੰਪਨੀਆਂ ਸੀਐਨਜੀ ਅਤੇ ਪੀਐਨਜੀ ਦੀਆਂ ਕੀਮਤਾਂ ਵਧਾਉਣ ਦਾ ਐਲਾਨ ਕਰ ਸਕਦੀਆਂ ਹਨ। ਲਖਨਊ ਵਿੱਚ, ਗ੍ਰੀਨ ਗੈਸ ਲਿਮਟਿਡ ਨੇ ਇਸੇ ਤਰ੍ਹਾਂ ਸੀਐਨਜੀ ਦੀ ਕੀਮਤ 5.3 ਰੁਪਏ ਪ੍ਰਤੀ ਕਿਲੋਗ੍ਰਾਮ ਵਧਾ ਕੇ 96.10 ਰੁਪਏ ਪ੍ਰਤੀ ਕਿਲੋਗ੍ਰਾਮ ਕਰ ਦਿੱਤੀ ਹੈ।