ਬਦਾਯੂ (ਯੂਪੀ) : ਇਕ 10 ਸਾਲਾਂ ਦੇ ਬੱਚੇ ਦੀ ਜਾਨ ਉਸ ਵੇਲੇ ਚਲੀ ਗਈ ਜਦੋਂ ਉਹ 15 ਅਗਸਤ ਦੇ ਸਮਾਗਮਾਂ ਦੀ ਤਿਆਰੀ ਕਰ ਰਿਹਾ ਸੀ। ਦਰਅਸਲ ਤਾਜਾ ਮਿਲੀ ਜਾਣਕਾਰੀ ਅਨੁਸਾਰ ਇਹ ਘਟਨਾ ਬਦਾਯੂ ਜ਼ਿਲ੍ਹੇ ਵਿੱਚ ਕੁਵਰਗਾਓ ਦੇ ਪਿੰਡ ਬਾਵਟ ਤੋਂ ਸਾਹਮਣੇ ਆਈ ਹੈ ਜਿੱਥੇ ਇਕ ਮਾਸੂਮ ਬੱਚੇ ਦੀ ਮੌਤ ਹੋ ਗਈ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਮਾਸੂਮ ਬੱਚੇ ਦੇ ਮਾਤਾ-ਪਿਤਾ ਖੇਤਾਂ ਵਿੱਚ ਮਜ਼ਦੂਰੀ ਕਰ ਰਹੇ ਸਨ। ਇਹ ਬੱਚਾ ਆਪਣੇ ਦੋਸਤਾ ਨਾਲ 15 ਅਗਸਤ ਨੂੰ ਹੋਣ ਵਾਲੇ ਨਾਟਕ ਦੀ ਤਿਆਰੀ ਕਰ ਰਿਹਾ ਸੀ। ਜਿੱਥੇ ਇਸ ਬੱਚੇ ਵੱਲੋਂ ਇਸ ਨਾਟਕ ਦੀ ਰਿਹਰਸਲ ਕਰਦੇ ਸਮੇਂ ਭਗਤ ਸਿੰਘ ਦਾ ਕਿਰਦਾਰ ਨਿਭਾਇਆ ਜਾ ਰਿਹਾ ਸੀ। ਉੱਥੇ ਕਿ ਇਹ ਬੱਚਾ ਨਾਟਕ ਕਰਦੇ ਕਰਦੇ ਅਸਲ ਵਿੱਚ ਫਾਹੇ ਉੱਪਰ ਝੂਲ ਗਿਆ। ਇਸ ਮਾਸੂਮ ਬੱਚੇ ਵੱਲੋਂ ਬਚਾਅ ਲਈ ਕੋਸ਼ਿਸ਼ ਕੀਤੀ ਗਈ ਲੇਕਿਨ ਕੋਲ ਖੜ੍ਹੇ ਮਾਸੂਮਾਂ ਨੂੰ ਉਸ ਦਾ ਇਸ਼ਾਰਾ ਸਮਝ ਨਹੀਂ ਆਇਆ। ਜਿਸ ਕਾਰਨ ਕੁਝ ਮਿੰਟਾਂ ਦੀ ਇਸ ਬੱਚੇ ਦੀ ਜਾਨ ਚਲੇ ਗਈ। ਉਥੇ ਹੀ ਬਾਕੀ ਬੱਚੇ ਕੋਲ ਖੜੇ ਇਨਕਲਾਬ ਜ਼ਿੰਦਾਬਾਦ ਦੇ ਨਾਅਰੇ ਲਗਾ ਰਹੇ ਹਨ। ਮਾਸੂਮ ਸ਼ਿਵਮ ਵੱਲੋਂ ਘਰ ਵਿੱਚੋ ਹੀ ਰੱਸੀ ਲੈ ਕੇ ਆਇਆ ਸੀ ਜਿਸ ਨਾਲ ਫਾਹਾ ਲਿਆ ਗਿਆ। ਉਸ ਵੱਲੋਂ ਸਟੂਲ ਉੱਪਰ ਖੜ੍ਹੇ ਹੋ ਕੇ ਇਹ ਸਭ ਕੀਤਾ ਜਾ ਰਿਹਾ ਸੀ। ਅਚਾਨਕ ਉਹ ਹੱਥ ਪੈਰ ਮਾਰਨ ਲੱਗਾ ਅਤੇ ਸਟੂਲ ਦੂਰ ਜਾ ਡਿੱਗਿਆ। ਇਸ ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਬੱਚੇ ਦੇ ਮਾਂ-ਬਾਪ ਘਟਨਾ ਸਥਾਨ ਤੇ ਪਹੁੰਚੇ ਜਿੱਥੇ ਬੇਟੇ ਦੀ ਲਾਸ਼ ਨੂੰ ਦੇਖ ਕੇ ਮਾਂ ਵੀ ਬੇਹੋਸ਼ ਹੋ ਗਈ। ਜਿਸ ਸਮੇਂ ਬੱਚੇ ਨੂੰ ਹੇਠਾਂ ਉਤਾਰਿਆ ਗਿਆ ਤਾਂ ਉਸ ਦਾ ਸਰੀਰ ਨੀਲਾ ਪੈ ਚੁੱਕਾ ਸੀ ਅਤੇ ਠੰਢਾ ਹੋ ਗਿਆ ਸੀ।