ਪਠਾਨਕੋਟ: ਦੋ ਹਫ਼ਤੇ ਪਹਿਲਾਂ ਪਠਾਨਕੋਟ ਨੇੜੇ ਰਣਜੀਤ ਸਾਗਰ ਡੈਮ ਵਿਚ ਅਚਾਨਕ ਫ਼ੌਜ ਦਾ ਇਕ ਹੈਲੀਕਪਟਰ ਕਰੈਸ ਹੋ ਕਿ ਡਿਗ ਗਿਆ ਸੀ ਅਤੇ ਉਦੋਂ ਤੋਂ ਹੀ ਇਕ ਪਾਇਲਟ ਲਾਪਤਾ ਸੀ। ਅੰਦਾਜਾ ਇਹ ਲਾਇਆ ਜਾ ਰਿਹਾ ਸੀ ਕਿ ਪਾਇਲਟ ਦੀ ਲਾਸ਼ ਝੀਲ ਵਿਚ ਹੀ ਕਿਤੇ ਹਨ। ਅੱਜ ਦੋ ਹਫ਼ਤਿਆਂ ਦੀ ਮੁਸ਼ੱਕਤ ਮਗਰੋਂ ਉਸੇ ਪਾਇਲਟ ਦੀ ਲਾਸ਼ ਬਰਾਮਦ ਕਰ ਲਈ ਗਈ ਹੈ। ਤਾਜਾ ਮਿਲੀ ਜਾਣਕਾਰੀ ਅਨੁਸਾਰ ਪਠਾਨਕੋਟ ਨੇੜੇ ਰਣਜੀਤ ਸਾਗਰ ਡੈਮ ਝੀਲ ਵਿੱਚ ਹਾਦਸਾਗ੍ਰਸਤ ਹੋਏ ਆਰਮੀ ਹੈਲੀਕਾਪਟਰ ਦੇ ਦੋ ਪਾਇਲਟਾਂ ਚੋਂ ਇੱਕ ਦੀ ਮ੍ਰਿਤਕ ਦੇਹ ਬਰਾਮਦ ਹੋਈ ਹੈ। ਫੌਜ਼ ਦੇ ਸੂਤਰਾਂ ਨੇ ਦੱਸਿਆ ਕਿ ਦੂਜੇ ਪਾਇਲਟ ਦੀਆਂ ਲਾਸ਼ਾਂ ਦੀ ਭਾਲ ਅਤੇ ਬਚਾਅ ਕਾਰਜ ਜਾਰੀ ਹੈ। ਲੈਫਟੀਨੈਂਟ ਕਰਨਲ ਏਐਸ ਬਾਠ ਦੇ ਮ੍ਰਿਤਕ ਦੇਹ 75.9 ਮੀਟਰ ਦੀ ਡੂੰਘਾਈ ਤੋਂ ਸ਼ਾਮ 6:19 ਵਜੇ ਰਣਜੀਤ ਸਾਗਰ ਝੀਲ ਤੋਂ ਬਰਾਮਦ ਹੋਈ। ਦੂਜੇ ਪਾਇਲਟ ਦੀ ਲਾਸ਼ ਨੂੰ ਬਰਾਮਦ ਕਰਨ ਦੇ ਯਤਨ ਜਾਰੀ ਹਨ। ਦੱਸ ਦਈਏ ਕਿ ਆਰਮੀ ਏਵੀਏਸ਼ਨ ਵਿੰਗ ਨਾਲ ਸਬੰਧਤ ਰੁਦਰ ਹੈਲੀਕਾਪਟਰ 3 ਅਗਸਤ ਨੂੰ ਉਸ ਸਮੇਂ ਝੀਲ ਵਿੱਚ ਹਾਦਸਾਗ੍ਰਸਤ ਹੋ ਗਿਆ ਸੀ ਜਦੋਂ ਇਹ ਸਿਖਲਾਈ ਦੇ ਰਿਹਾ ਸੀ।