ਬਠਿੰਡਾ: ਭਿਆਨਕ ਹਾਦਸੇ ਦੌਰਾਨ ਇਕ ਗੱਭਰੂ ਦੀ ਛਾਤੀ ਵਿਚੋਂ ਲੋਹੇ ਦਾ ਐਂਗਲ ਆਰ ਪਾਰ ਹੋ ਗਿਆ ਪਰ ਨੌਜਵਾਨ ਘਬਰਾਇਆ ਨਹੀਂ ਸਗੋਂ ਵਾਹਿਗੁਰੂ ਵਾਹਿਗੁਰੂ ਦਾ ਜਾਪ ਕਰਦਾ ਰਿਹਾ ਅਤੇ ਡਾਕਟਰ ਉਸ ਦਾ ਆਪਰੇਸ਼ਨ ਕਰਦੇ ਰਹੇ। ਦਰਅਸਲ ਬੀਤੀ ਦੁਪਹਿਰ ਕਰੀਬ ਇੱਕ ਵਜੇ ਦੇ ਕਰੀਬ ਪਿੰਡ ਲਹਿਰਾ ਮੁਹੱਬਤ ਮਾਰਕੀਟ ਦੇ ਨੇੜੇ ਇੱਕ ਛੋਟੇ ਹਾਥੀ ਦੇ ਟਾਇਰ ਫਟਣ ਤੋਂ ਬਾਅਦ ਸੜਕ ਕਿਨਾਰੇ ਲੋਹੇ ਦੇ 6 ਫੁੱਟ ਲੰਮੇ ਐਂਗਲ ਯਾਤਰੀ ਸੀਟ 'ਤੇ ਬੈਠੇ ਹਰਦੀਪ ਸਿੰਘ ਦੀ ਛਾਤੀ ਦੇ ਆਰ ਪਾਰ ਹੋ ਗਿਆ। ਮੌਕੇ 'ਤੇ ਜਾ ਰਹੇ ਲੋਕ ਇੱਕ ਵਾਰ ਤਾਂ ਹਾਲਤ ਦੇਖ ਕੇ ਡਰ ਗਏ, ਪਰ ਉੱਥੋਂ ਲੰਘ ਰਹੇ ਇੱਕ ਕਾਰ ਸਵਾਰ ਹਰਦੀਪ ਨੂੰ ਆਦੇਸ਼ ਹਸਪਤਾਲ ਪਹੁੰਚਾਇਆ। ਡਾਕਟਰਾਂ ਦੀ ਟੀਮ ਨੇ 6 ਸਰਜਨਾਂ ਸਮੇਤ ਤੁਰੰਤ ਆਪਰੇਸ਼ਨ ਦੀ ਤਿਆਰੀ ਕੀਤੀ ਅਤੇ ਐਂਗਲ ਨੂੰ ਕੱਟਣ ਤੋਂ ਬਾਅਦ ਆਪਰੇਸ਼ਨ ਲਗਾਤਾਰ 5 ਘੰਟੇ ਚੱਲਦਾ ਰਿਹਾ। ਹੁਣ ਹਰਦੀਪ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਹੈ। ਡਕਟਰਾਂ ਨੇ ਕਿਹਾ ਕਿ ਜੇਕਰ ਲੋਹੇ ਦਾ ਐਂਗਲ ਥੋੜਾ ਜਿਹਾ ਵੀ ਇਧਰ ਉਧਰ ਹੁੰਦਾ ਤਾਂ ਇਹ ਦਿਲ ਨੂੰ ਵਿੰਨ੍ਹ ਦਿੰਦਾ। ਐਂਗਲ ਨੂੰ ਪਹਿਲਾਂ ਕਟਰ ਨਾਲ ਕੱਟਿਆ ਗਿਆ। ਸੀਟੀ ਸਕੈਨ ਕਰਨ ਤੋਂ ਬਾਅਦ ਬਾਕੀ ਕਾਰਵਾਈ ਪੂਰੀ ਕਰ ਕੇ ਨੌਜਵਾਨ ਦੀ ਜਾਨ ਬਚਾਈ ਗਈ ਹੈ।