ਅਮਰੀਕਾ : ਅਮਰੀਕਾ ਤੋਂ ਇਕ ਮੰਦਭਾਗੀ ਅਤੇ ਦੁਖਦਾਈ ਖਬਰ ਸਾਹਮਣੇ ਆਈ ਹੈ ਕਿ ਜਲੰਧਰ ਦੇ ਗੁਰਾਇਆ ਦਾ ਇੱਕ ਪੰਜਾਬੀ ਵਿਅਕਤੀ ਵਿਦੇਸ਼ੀ ਧਰਤੀ ਅਮਰੀਕਾ ਵਿੱਚ ਰੋਜ਼ੀ ਰੋਟੀ ਕਮਾਉਣ ਦੇ ਲਈ ਗਿਆ ਸੀ ਕਿ ਜਿਥੇ ਉਸਦੀ ਮਿਹਨਤ ਮਜ਼ਦੂਰੀ ਕਰਦਿਆਂ ਦੀ ਮੌਤ ਹੋ ਗਈ। ਉਸ ਨੌਜਵਾਨ ਦੇ ਨਾਲ ਅਜਿਹਾ ਭਿਆਨਕ ਹਾਦਸਾ ਵਾਪਰਿਆਂ ਜਿਸ ਵਿੱਚ ਇਸ ਪੰਜਾਬੀ ਵਿਅਕਤੀ ਦੀ ਮੌਤ ਹੋ ਗਈ । ਦਰਅਸਲ ਮ੍ਰਿਤਕ ਸਿੰਘ ਸ਼ੇਰਾ ਜਿਹਨਾਂ ਦੀ ਉਮਰ 53 ਦੀ ਸੀ। ਅਮਰੀਕੀ ਦੇ ਸ਼ਹਿਰ ਫ੍ਰਿਜ਼ਨੋ 'ਚ ਉਹ ਸੜਕ 'ਤੇ ਆਪਣਾ ਟਰੱਕ ਲੈ ਕੇ ਜਾ ਰਹੇ ਸੀ ਕਿ ਰਾਸਤੇ ਵਿੱਚ ਹੀ ਉਹਨਾਂ ਦਾ ਟਰੱਕ ਖਰਾਬ ਹੋ ਗਿਆ ਜਿਸਦੇ ਚਲਦੇ ਉਨ੍ਹਾਂ ਆਪਣਾ ਟਰੱਕ ਸੜਕ ਕਿਨਾਰੇ ਹੀ ਖੜ੍ਹਾ ਕਰ ਦਿੱਤਾ । ਟਰੱਕ ਖੜਾ ਕਰ ਕੇ ਉਹ ਉਸਨੂੰ ਠੀਕ ਕਰਨ ਲੱਗ ਪਏ। ਜਿਸ ਦੌਰਾਨ ਪਿੱਛੋਂ ਆ ਰਹੇ ਟਰੱਕ ਨੇ ਉਹਨਾ ਨੂੰ ਟੱਕਰ ਮਾਰ ਦਿੱਤੀ। ਟੱਕਰ ਲੱਗਣ ਕਾਰਨ ਉਹ ਕੰਧ ਅਤੇ ਆਪਣੇ ਹੀ ਟਰੱਕ ਦੇ ਵਿਚਕਾਰ ਫਸ ਕੇ ਰਹਿ ਗਏ ਅਤੇ ਤੜਫ਼ -ਤੜਫ਼ ਕੇ ਉਹਨਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇਹ ਖਬਰ ਜਦੋ ਪਰਿਵਾਰ ਅਤੇ ਉਹਨਾਂ ਦੇ ਪਿੰਡ ਦੇ ਵਿੱਚ ਪਤਾ ਲੱਗੀ ਤਾਂ ਜਿਥੇ ਪਰਿਵਾਰ ਦੇ ਵਿੱਚ ਮਾਤਮ ਦਾ ਮਾਹੌਲ ਹੈ ਓਥੇ ਹੀ ਇਲਾਕੇ ਦੇ ਵਿੱਚ ਵੀ ਸੋਗ ਦੀ ਲਹਿਰ ਹੈ।