Twin Towers Demolition: ਨੋਇਡਾ 'ਚ ਸਥਿਤ ਟਵਿਨ ਟਾਵਰ ਆਖਰਕਾਰ ਕੁਝ ਸਕਿੰਟਾਂ ਵਿੱਚ ਜ਼ਮੀਨਦੋਜ਼ ਹੋ ਗਿਆ। ਅੰਦਾਜ਼ੇ ਮੁਤਾਬਕ 13 ਸਾਲਾਂ 'ਚ ਬਣੀ ਇਹ ਇਮਾਰਤ ਕਰੀਬ 9 ਤੋਂ 10 ਸੈਕਿੰਡ ਦੇ ਸਮੇਂ 'ਚ ਢਹਿ ਗਈ। ਇਮਾਰਤ ਡਿੱਗਦੇ ਹੀ ਚਾਰੇ ਪਾਸੇ ਮਲਬੇ ਦਾ ਧੂੰਆਂ ਹੀ ਨਜ਼ਰ ਆਇਆ। ਜਦੋਂ ਟਵਿਨ ਟਾਵਰ ਨੂੰ ਹੇਠਾਂ ਲਿਆਂਦਾ ਗਿਆ ਤਾਂ ਇੱਥੇ ਮੌਜੂਦ ਲੋਕਾਂ ਨੇ ਜ਼ੋਰਦਾਰ ਧਮਾਕੇ ਦੀ ਆਵਾਜ਼ ਸੁਣੀ। ਲੋਕਾਂ ਨੂੰ ਵੀ ਧਰਤੀ ਕੰਬਦੀ ਮਹਿਸੂਸ ਹੋਈ। ਜਲਦੀ ਹੀ ਪੂਰੇ ਇਲਾਕੇ ਨੂੰ ਧੂੰਏਂ ਨੇ ਘੇਰ ਲਿਆ। ਇਸ ਇਮਾਰਤ ਨੂੰ ਬਣਾਉਣ 'ਚ 500 ਕਰੋੜ ਰੁਪਏ ਦਾ ਖਰਚਾ ਆਇਆ ਸੀ ਤੇ 13 ਸਾਲਾਂ 'ਚ ਇਸ ਬਿਲਡਿੰਗ ਨੂੰ ਤਿਆਰ ਕੀਤਾ ਗਿਆ ਸੀ। ਆਖਿਰਕਾਰ 9 ਸਾਲਾਂ ਬਾਅਦ ਇਸ ਇਮਾਰਤ ਨੂੰ ਢਾਹ ਦਿੱਤਾ ਗਿਆ।