ਪੰਜਾਬ ਪੁਲਿਸ ਦੇ ਠਾਣੇਦਾਰ ਨੇ ਕਰ ਦਿਤਾ ਵੱਡਾ ਕਾਰਾ, ਗ੍ਰਿਫ਼ਤਾਰ
ਲੁਧਿਆਣਾ : ਐੱਸ.ਟੀ.ਐੱਫ. ਨੇ ਅੱਜ ਤਸਕਰੀ ਨਾਲ ਜੁੜੇ ਇੱਕ ਸਹਾਇਕ ਥਾਣੇਦਾਰ ਸਮੇਤ ਅਤੇ ਉਸ ਦੇ 2 ਸਾਥੀਆਂ ਨੂੰ ਸਮਰਾਲਾ ਨੇੜੇਉਂ 3 ਕੁਇੰਟਲ 50 ਕਿੱਲੋ ਭੁੱਕੀ ਅਤੇ ਇੱਕ ਗੱਡੀ ਸਮੇਤ ਗ੍ਰਿਫਤਾਰ ਕੀਤਾ ਹੈ। ਕਾਬੂ ਕੀਤਾ ਗਿਆ ਇਹ ਥਾਣੇਦਾਰ ਲੁਧਿਆਣਾ ਵਿਚ ਤਾਇਨਾਤ ਹੈ। ਇਥੇ ਦਸ ਦਈਏ ਕਿ ਇਹ ਕਾਬੂ ਕੀਤਾ ਗਿਆ ਮੁਲਜਮ ਆਪਣੇ ਸਾਥੀਆਂ ਨਾਲ ਰਲ ਕੇ ਨਸ਼ਾ ਤਸਕਰੀ ਦਾ ਕੰਮ ਕਰ ਰਿਹਾ ਸੀ। ਕਾਬੂ ਕੀਤੇ ਗਏ ਮੁਲਜਮਾਂ ਵਿਚ ਇੱਕ ਔਰਤ ਅਤੇ 25 ਸਾਲਾ ਗੱਭਰੂ ਵੀ ਹੈ। ਤਾਜਾ ਮਿਲੀ ਜਾਣਕਾਰੀ ਅਨੁਸਾਰ ਚੰਡੀਗੜ੍ਹ ਵੱਲੋਂ ਇੱਕ ਸਕਾਰਪਿਓ ਗੱਡੀ ਆ ਰਹੀ ਸੀ ਜਿਸ ਵਿੱਚ ਏ.ਐੱਸ.ਆਈ. ਰਜਿੰਦਰਪਾਲ ਸਿੰਘ ਵਰਦੀ ਪਾ ਕੇ ਠਾਠ ਨਾਲ ਬੈਠਾ ਸੀ ਅਤੇ ਗੱਡੀ ਵਿੱਚ ਵੱਡੀ ਮਾਤਰਾਂ ’ਚ ਭੁੱਕੀ ਲੱਦੀ ਹੋਈ ਸੀ। ਦਿਆਲਪੁਰਾ ਬਾਈਪਾਸ ਲਾਗੇ ਪੁਲਿਸ ਵਲੋਂ ਲਾਈ ਗਈ ਨਾਕਾਬੰਦੀ ਦੌਰਾਨ ਇਹ ਸਾਰੇ ਕਾਬੂ ਕੀਤੇ ਗਏ ਹਨ। ਕਾਬੂ ਕੀਤੇ ਏ.ਐੱਸ.ਆਈ. ਨੇ ਦੱਸਿਆ ਕਿ ਉਹ ਲੁਧਿਆਣਾ ਦੇ ਥਾਣਾ ਡਾਬਾ ਵਿਖੇ ਡਿਊਟੀ ਕਰਦਾ ਹੈ ਅਤੇ ਉਹ ਤਿੰਨੇ ਜਣੇ ਰਲ ਕੇ ਮੱਧ ਪ੍ਰਦੇਸ਼ ਤੋਂ ਸਸਤੇ ਭਾਅ ਭੁੱਕੀ ਲਿਆ ਕੇ ਲੁਧਿਆਣਾ ਅਤੇ ਨਾਲ ਦੇ ਇਲਾਕਿਆਂ ਵਿੱਚ ਵੇਚਣ ਦਾ ਧੰਦਾ ਕਰਦੇ ਹਨ। ਗ੍ਰਿਫਤਾਰ ਔਰਤ ਦਲਜੀਤ ਕੌਰ ਉਰਫ ਬਬਲੀ ਹੈਬੋਵਾਲ ਲੁਧਿਆਣਾ ਦੀ ਰਹਿਣ ਵਾਲੀ ਹੈ। ਤੀਜਾ ਗੱਭਰੂ ਪਵਨਜੀਤ ਸਿੰਘ ਵੀ ਲੁਧਿਆਣਾ ਦਾ ਰਹਿਣ ਵਾਲਾ ਹੈ।