ਮੁੰਬਈ: ਟੀਵੀ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। 'Bhabhi Ji Ghar par hain' 'ਚ ਮੱਖਣ ਸਿੰਘ ਦੀ ਭੂਮਿਕਾ 'ਚ ਨਜ਼ਰ ਆਉਣ ਵਾਲੇ ਅਦਾਕਾਰ ਦੀਪੇਸ਼ ਭਾਨ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਗਏ ਹਨ। ਉਹ ਲੰਬੇ ਸਮੇਂ ਤੋਂ ਇਸ ਸੀਰੀਅਲ ਨਾਲ ਜੁੜੇ ਹੋਏ ਸਨ। ਅਦਾਕਾਰ ਦੇ ਦੇਹਾਂਤ ਦੀ ਪੁਸ਼ਟੀ ਸ਼ੋਅ ਦੇ ਅਸਿਸਟੈਂਟ ਡਾਇਰੈਕਟਰ ਅਭੀਨੀਤ ਨੇ ਕੀਤੀ ਹੈ। ਸਾਲ 2019 ਵਿੱਚ ਉਨ੍ਹਾਂ ਦਾ ਵਿਆਹ ਦਿੱਲੀ ਵਿੱਚ ਹੋਇਆ ਸੀ।ਜਨਵਰੀ 2021 ਵਿੱਚ, ਦੀਪੇਸ਼ ਇੱਕ ਬੱਚੇ ਦੇ ਪਿਤਾ ਬਣੇ।
ਅਦਾਕਾਰ ਦੀਪੇਸ਼ ਭਾਨ ਦਾ ਅਲੀਗੜ੍ਹ ਨਾਲ ਡੂੰਘਾ ਸਬੰਧ ਹੈ। ਉਹ ਆਖਰੀ ਵਾਰ 5 ਮਹੀਨੇ ਪਹਿਲਾਂ ਇੱਕ ਐਲਬਮ ਦੇ ਲਾਂਚ ਲਈ ਅਲੀਗੜ੍ਹ ਆਏ ਸਨ। ਸੀਰੀਅਲ 'Bhabhi Ji Ghar par hain' 'ਚ ਮਲਖਾਨ ਦਾ ਕਿਰਦਾਰ ਨਿਭਾਉਣ ਵਾਲੇ ਟੀਵੀ ਐਕਟਰ ਦੀਪੇਸ਼ ਭਾਨ ਦੇ ਦੇਹਾਂਤ ਨਾਲ ਅੱਜ ਸ਼ੋਅ ਅਧੂਰਾ ਰਹਿ ਗਿਆ ਹੈ। ਮਲਖਾਨ ਸ਼ੁੱਕਰਵਾਰ ਨੂੰ ਕ੍ਰਿਕਟ ਖੇਡਦੇ ਹੋਏ ਅਚਾਨਕ ਡਿੱਗ ਪਏ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਡਾਕਟਰ ਨੇ ਉਹਨਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਦੀਪੇਸ਼ ਭਾਨ ਦੇ ਅਚਾਨਕ ਦੇਹਾਂਤ ਕਾਰਨ ਟਿੱਕਾ ਮੱਖਣ ਦੀ ਜੋੜੀ ਹਮੇਸ਼ਾ ਲਈ ਵਿਛੜ ਗਈ।
ਇਸ ਸ਼ੋਅ ਤੋਂ ਪਹਿਲਾਂ ਅਦਾਕਾਰ ਬਿੰਦਾਸ ਟੀਵੀ ਦੇ 'ਕਾਮੇਡੀ ਕਾ ਕਿੰਗ ਕੌਨ', 'ਕਾਮੇਡੀ ਕਲੱਬ', 'ਭੂਤਵਾਲਾ', 'ਐਫਆਈਆਰ' ਸਮੇਤ 'ਚੈਂਪ' ਅਤੇ 'ਸੁਨ ਯਾਰ ਚਿਲ ਮਾਰ' ਵਰਗੇ ਸ਼ੋਅਜ਼ ਵਿੱਚ ਕੰਮ ਕਰ ਚੁੱਕੇ ਹਨ। ਸਾਲ 2007 'ਚ ਦੀਪੇਸ਼ ਨੇ ਫਿਲਮ 'ਫਾਲਤੂ ਉਤਪਤੰਗ ਚਟਪੱਤੀ ਕਹਾਣੀ' 'ਚ ਵੀ ਕੰਮ ਕੀਤਾ ਸੀ। ਇਸ ਦੇ ਨਾਲ ਹੀ ਉਹ ਆਮਿਰ ਖਾਨ ਦੇ ਨਾਲ ਟੀ-20 ਵਰਲਡ ਕੱਪ ਦੇ ਵਿਗਿਆਪਨ ਵਿੱਚ ਵੀ ਨਜ਼ਰ ਆਏ ਸਨ।